Asosiy matnga o'tish
16-Noyabr, Dushanba
Jamiyat 4 daqiqa o'qish

Ko‘mir uchun 600 ming so‘mgacha kompensatsiya: arizani qaysi hollarda rad etish mumkin?

Ko‘mir uchun 600 ming so‘mgacha kompensatsiya: arizani qaysi hollarda rad etish mumkin?

O‘zbekistonda ehtiyojmand oilalarga ko‘mir xarajatlari uchun yiliga 600 ming so‘mgacha kompensatsiya berish tartibi amal qilmoqda.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Hukumat tasdiqlagan reglamentga ko‘ra, yordam tayinlashni rad etish uchun faqat ikkita asos mavjud.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Boshqa sabablar bilan rad etishga yo‘l qo‘yilmaydi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Jarayon.uz Vazirlar Mahkamasining 2026-yil 31-oktabrdagi 601-son qarori bilan tasdiqlangan tartibni o‘rgandi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

1-noyabrdan kuchga kirgan hujjatda ko‘mir xarid qilgan oilalarga kompensatsiya tayinlash, arizalarni ko‘rib chiqish, pul o‘tkazish muddatlari va rad javobi ustidan shikoyat qilish huquqi belgilangan.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Kompensatsiya kimlarga beriladi?

Yordam 2026–2028-yillarda ehtiyojmand oilalarning ko‘mir xarajatlarini qisman qoplash uchun ajratiladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Undan Ijtimoiy reyestrga kiritilgan oilalar, shuningdek, reyestrda bo‘lmasa-da, ijtimoiy-iqtisodiy holati belgilangan mezonlarga mos keladigan oilalar foydalanishi mumkin.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Ikkinchi toifadagi oilalarning jon boshiga to‘g‘ri keladigan o‘rtacha oylik daromadi minimal iste’mol xarajatlarining ikki baravaridan oshmasligi kerak.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Oilaning boshqa ijtimoiy-iqtisodiy ko‘rsatkichlari ham axborot tizimlari orqali baholanadi.Muhim shart — ko‘mir mycoal.uz portali yoki uning mobil ilovasi orqali xarid qilingan bo‘lishi kerak.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Qancha pul qaytariladi?

Kompensatsiya sotib olingan ko‘mirning har bir tonnasi uchun 300 ming so‘mdan hisoblanadi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Masalan, bir tonna ko‘mir sotib olgan oila 300 ming so‘m, ikki tonna olgan oila esa 600 ming so‘m kompensatsiya olishi mumkin.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Biroq bir kalendar yil davomida kompensatsiyaning maksimal miqdori 600 ming so‘mdan oshmaydi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Demak, uch yoki to‘rt tonna ko‘mir xarid qilingan taqdirda ham yillik yordam miqdori 600 ming so‘m bilan cheklanadi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

KO‘MIR KOMPENSATSIYASI · 2026–2028
Qancha ko‘mir uchun qancha pul qaytariladi?

Har bir tonna uchun 300 ming so‘m.
Yillik limit — 600 ming so‘m.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

1 tonna
300 000
so‘m
2 tonna
600 000
so‘m
3 tonna
600 000
so‘m
Yillik limit — 600 000 so‘m.
Uch tonna va undan ko‘p ko‘mir sotib olinganda ham kompensatsiya ushbu limitdan oshmaydi.

Bu ko‘mir bepul tarqatiladi degani emas.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Oila ko‘mirni xarid qiladi, keyin belgilangan talablarga javob bersa, xarajatining bir qismi qaytariladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Arizani rad etish uchun faqat ikkita asos bor

Reglamentning 10-bandida kompensatsiya tayinlashni rad etish holatlari aniq ko‘rsatilgan.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Birinchisi — ariza beruvchining oilasi kompensatsiya oluvchilar toifasiga mansub ekani tasdiqlanmasa.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Ikkinchisi — ariza berilgan oyda ko‘mir xarid qilinmagan bo‘lsa.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Hujjatda ushbu ikki holatdan tashqari boshqa asoslar bilan kompensatsiya tayinlashni rad etish mumkin emasligi belgilangan.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Masalan, fuqaro barcha talablarga javob bersa va tegishli oyda mycoal.uz orqali ko‘mir xarid qilgani tasdiqlansa, unga reglamentda ko‘rsatilmagan qo‘shimcha talabni qo‘yib, arizasini rad etishga yo‘l qo‘yilmaydi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Bu yerda yana bir muhim jihat bor: ko‘mirni xarid qilgan oy bilan kompensatsiya uchun ariza berilgan oy ahamiyatga ega.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Reglament rad etish asoslaridan biri sifatida aynan ariza berilgan oyda ko‘mir xarid qilinmaganini ko‘rsatgan.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Shu sababli ko‘mir xarid qilgan oilalarga ariza topshirish muddatiga e’tibor berish tavsiya etiladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Ariza qayerga beriladi?

Kompensatsiya tayinlash uchun bir nechta yo‘l bilan murojaat qilish mumkin:⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

  • Davlat xizmatlari markaziga;
  • «Inson» ijtimoiy xizmatlar markaziga;
  • Mahallaga biriktirilgan ijtimoiy xodim orqali;
  • Yagona interaktiv davlat xizmatlari portali — my.gov.uz orqali;
  • «Ijtimoiy karta» mobil ilovasi orqali.

Ariza berish uchun davlat boji yoki xizmat yig‘imi undirilmaydi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

AMALIY YO‘RIQNOMA
Ko‘mir kompensatsiyasini qanday olish mumkin?
1
Ko‘mir sotib oling
mycoal.uz portali yoki mobil ilovasi orqali ko‘mir xarid qiling.
2
Shu oyda ariza bering
DXM, «Inson» markazi, ijtimoiy xodim,
my.gov.uz yoki «Ijtimoiy karta» orqali.
Ariza topshirish bepul.
3
Ma’lumotlar tekshiriladi
Oilaning ijtimoiy holati va ko‘mir xaridi elektron tizimlar orqali tekshiriladi.
4
Keyingi oyning 15-sanasigacha
Tasdiqlangan oilalarning to‘lov ro‘yxati bankka yuboriladi.
5
Keyingi oyning 25-sanasigacha
Mablag‘ bankka o‘tkaziladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Bank uni olgach, bir ish kuni ichida oilaning kartasiga tushiradi.
Ariza qachon rad etilishi mumkin?

1. Oila kompensatsiya olish mezonlariga mos kelmasa.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

2. Ariza berilgan oyda ko‘mir xarid qilinmagan bo‘lsa.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Boshqa asoslar bilan rad etish mumkin emas.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

So‘rovnoma elektron tizimga yuboriladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Unda oilaning ijtimoiy holati hamda ko‘mir xaridi haqidagi ma’lumotlar avtomatik tekshiriladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Bunda fuqaroning mycoal.uz orqali ko‘mir sotib olgani, xarid sanasi, miqdori va qiymati haqidagi ma’lumotlar ham solishtiriladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Pul qachon kartaga tushishi kerak?

Kompensatsiya tayinlangan oilalar ariza topshirilgan oydan keyingi oyning to‘lov ro‘yxatiga kiritiladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Reglamentga ko‘ra, Ijtimoiy himoya milliy agentligi ushbu ro‘yxatlarni keyingi oyning 15-sanasiga qadar bankka yuborishi kerak.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Zarur mablag‘lar keyingi oyning 25-sanasiga qadar moliyaviy agentga o‘tkaziladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Bank esa mablag‘ kelib tushganidan so‘ng bir ish kuni ichida kompensatsiyani oilaning ijtimoiy yoki bank kartasiga o‘tkazishi kerak.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Masalan, fuqaro noyabr oyida ko‘mir sotib olib, shu oyda ariza topshirgan va yordam olish huquqi tasdiqlangan bo‘lsa, to‘lov ro‘yxati dekabrning 15-sanasigacha shakllantirilishi, mablag‘ esa 25-dekabrgacha bankka yo‘naltirilishi belgilangan.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Rad javobi kelganda nima qilish kerak?

Kompensatsiya tayinlangani yoki rad etilgani haqida ariza beruvchiga SMS-xabar yuboriladi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Qaror haqidagi ma’lumotni tegishli elektron tizimdagi shaxsiy kabinet orqali ham ko‘rish mumkin.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Agar fuqaro arizasi qonunda ko‘rsatilmagan sabab bilan rad etilgan deb hisoblasa, ushbu qaror yuzasidan shikoyat qilish huquqiga ega.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Reglamentning 18-bandida davlat xizmatini ko‘rsatuvchi idoralar xodimlarining noqonuniy xatti-harakatlari yoki harakatsizligi ustidan qonunchilikda belgilangan tartibda shikoyat qilish mumkinligi qayd etilgan.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Tartibga rioya etilishi Adliya vazirligi va Ijtimoiy himoya milliy agentligi huzuridagi Ijtimoiy inspeksiya tomonidan nazorat qilinadi.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠

Usmon Shukur
Muallif
Jarayon.uz jurnalisti.⁠⁠‌‌⁠‌‌⁠‌‌‌‌‌‌‌‌‌‌⁠‌‌‌‌‌‌‌‌‌‌⁠‌‌‌‌‌‌‌‌‌⁠⁠ Ta’lim, ijtimoiy hayot, siyosat va iqtisodiyot mavzularidagi xabarlarni yoritadi.

Mavzuga oid

Jamiyat