Oʻzbekiston Respublikasi Ichki ishlar vazirligi tomonidan Turkiya Respublikasi Bosh konsulxonasi bilan hamkorlikda yirik tezkor-qidiruv tadbiri oʻtkazildi. Ushbu hamkorlik natijasida Oʻzbekiston hududida jinoyat sodir etgan va qidiruvda boʻlgan shaxs qoʻlga olindi.
Jinoyatni fosh etishda Oʻzbekiston Respublikasi Ichki ishlar vazirligining Tezkor-qidiruv departamenti hamda Istanbuldagi Bosh konsulxona birinchi kotibi — ichki ishlar boʻyicha aloqa xodimi oʻrtasidagi samarali hamkorlik muhim rol oʻynadi.
Maʼlumotlarga koʻra, 1981-yilda tugʻilgan I.U. ismli fuqaro Oʻzbekiston Respublikasi Jinoyat kodeksining 135-moddasi 3-qismi (odam savdosi) boʻyicha Namangan viloyati IIB tomonidan qidiruvga berilgan. Olingan tezkor maʼlumotlarga koʻra, u Turkiya Respublikasining Istanbul shahrida yashirinib yurgan.
Joriy yilning 17-iyun kuni ushbu ayol Turkiya hududida qoʻlga olinib, belgilangan tartibda Oʻzbekiston Respublikasiga ekstraditsiya qilindi.
