Soʻnggi paytlarda “Bayramga taklifnoma”, “Sening rasmlaring”, “Sud chaqiruvi” kabi nomlar ostida zararli APK fayllar tarqalmoqda. Bunday fayllarni ochmang va qurilmangizga oʻrnatmang.
Agar shubhali ilovalar oʻrnatib yuborilgan boʻlsa:
—internetni oʻchiring yoki parvoz rejimiga oʻting;
—sozlamalar orqali ilovani darhol oʻchirib tashlang;
—muammo saqlansa, mutaxassisga murojaat qiling.
Har qanday APK fayl xavfli boʻlishi mumkin.
Zararli APK fayl qanday xavf tug‘diradi?
APK — Android qurilmalariga ilova o‘rnatish uchun ishlatiladigan fayl turi. Firibgarlar uni taklifnoma, surat yoki rasmiy hujjat nomi bilan yuboradi. O‘rnatilgan zararli ilova SMS-xabarlarni o‘qishi, bank ilovalaridagi tasdiqlash kodlarini tutib olishi va telefoningiz nomidan boshqalarga xabar yuborishi mumkin.
Qurilmani qanday himoya qilish mumkin?
— ilovalarni faqat Google Play kabi rasmiy do‘konlardan o‘rnating;
— sozlamalarda «noma’lum manbalardan o‘rnatish» ruxsatini o‘chirib qo‘ying;
— ilovaga SMS, qo‘ng‘iroqlar yoki «maxsus imkoniyatlar» (Accessibility) ruxsati so‘ralsa, ehtiyot bo‘ling;
— Google Play Protect orqali qurilmani tekshirib turing.
Zararli fayl o‘rnatilgan bo‘lsa
Ilovani o‘chirgandan keyin bankingizga qo‘ng‘iroq qilib, kartalaringizni vaqtincha bloklashni so‘rang. Telegram va boshqa hisoblaringiz parollarini boshqa, ishonchli qurilmadan almashtiring va ikki bosqichli tekshiruvni yoqing. Tanishlaringizga sizning nomingizdan kelgan shubhali xabarlarni ochmaslikni ayting.
Shuningdek o‘qing:
— Cobalt uchun olingan har beshta shartnomaning faqat bittasiga to‘lov qilingan
— Isteʼmolga yaroqsiz mahsulotni qaytarish mumkinmi?
— Dunyoning eng qudratli ayollar reytingi eʼlon qilindi
