“O‘zgidromet” 2025-yil 22-may, payshanba kuni uchun ob-havo prognozini e’lon qildi. Toshkent va boshqa hududlarda shamol yo‘nalishi g‘arbdan esib, ba’zi joylarda kuchi 15-22 metr/sekundgacha yetadigan kuchli shamol va chang-to‘zon kuzatilishi mumkin.
Toshkent shahrida havo biroz bulutli, yog‘ingarchilik kutilmaydi. Shamol g‘arbdan 5-10 metr/sekund tezlikda esib, ba’zan 15-18 metr/sekundgacha kuchayadi. Harorat kechasi 20-22, kunduzi 36-38 daraja atrofida bo‘ladi.
Qoraqalpog‘iston, Xorazm, Buxoro, Navoiy viloyatlarida shamol kuchi ba’zan 15-22 metr/sekundga yetishi mumkin, chang-to‘zon yuzaga kelishi ehtimoli bor. Harorat kechasi 17-25, kunduzi 27-37 daraja oralig‘ida bo‘ladi.
Toshkent, Sirdaryo, Jizzax va Samarqandda ham shamol g‘arbdan 7-12 metr/sekund tezlikda esib, 15-20 metr/sekundga kuchayishi mumkin, chang-to‘zon kuzatiladi. Harorat kechasi 19-24, kunduzi 33-38 darajaga yetadi.
Qashqadaryo va Surxondaryo viloyatlarida harorat kunduzi 37-42 darajagacha ko‘tariladi, shamol ba’zan 20 metr/sekundgacha kuchayadi.
Andijon, Namangan va Farg‘ona viloyatlarida shamol 13-18 metr/sekundgacha kuchayishi mumkin, havo biroz bulutli, yog‘ingarchilik kutilmaydi.
Tog‘oldi va tog‘li hududlarda ba’zan qisqa muddatli yomg‘ir va momaqaldiroq kuzatilishi mumkin, shamol 7-12 metr/sekund tezlikda esadi, harorat kechasi 13-18, kunduzi 23-28 daraja atrofida bo‘ladi.
Prognozlarga ko‘ra, haftaning oxiriga kelib havo biroz sovib, harorat 30-32 darajagacha pasayadi.
