Samarqandda shahar mehmonlari uchun ikki qavatli sayyohlik avtobuslari harakati tashkil etildi. Yangi transport xizmati halqa yo‘nalishda amalga oshirilib, Go‘ri Amir maqbarasi va Shohi Zinda majmuasigacha bo‘lgan asosiy tarixiy joylardan o‘tadi.

Yo‘lovchilar uchun bir kunlik chipta narxi kattalar uchun 100 ming so‘m, bolalar uchun esa 50 ming so‘m etib belgilandi.

Avtobuslar kunduzgi vaqtda 10:00 dan 17:00 gacha, kechqurun esa 20:00 dan 23:00 gacha qatnaydi. Ushbu tashabbus shahar sayyohlik salohiyatini oshirish va mehmonlarga qulaylik yaratishga qaratilgan.