2025-yil boshida ekranlarga chiqqan “Ne Zha 2” (“Nə-ja”) filmi jahon kinobozorida kutilmagan shov-shuv uyg‘otdi. Xitoylik mustaqil animator Jiaozi tomonidan suratga olingan bu animatsion kartina qisqa vaqt ichida $2,1 milliarddan ortiq daromad yig‘ib, bir qator rekordlarni yangiladi.

Film:

— Tarixdagi eng ko‘p daromad keltirgan animatsion film bo‘ldi (ilgari bu rekord “Inside Out 2”ga tegishli edi),

— Ingliz tilida boʻlmagan filmlar orasida yetakchilikni qo‘lga oldi,

— $2 milliarddan ortiq daromad yig‘gan birinchi animatsion film sifatida qayd etildi.

Qahramonlar va syujet

“Ne Zha 2” Xitoy mifologiyasi asosida yaratilgan. Syujetda lotus kuchi bilan tanasini tiklayotgan yovuz bola Ne Zha va ezgulik timsoli Ao Bingning do‘stlik va adolat yo‘lidagi sarguzashtlari tasvirlanadi. Ular surgundagi jinlar va ajdaholar bilan to‘qnash keladi va Uxu saroyidagi donishmanddan yordam so‘rashga majbur bo‘lishadi.

Nima uchun tomosha qilishga arziydi?

Filmning vizual effektlari hayratlanarli darajada ishlangan. Suv ustidagi jang sahnalari, shashlik qilib yediriladigan sakkizoyoq jin, va Ne Zha’ning sehr ta’siridan portlab chiqishi kabi kadrlar uni nafaqat bolalar, balki kattalar uchun ham zavqli tomoshaga aylantiradi.

Shuningdek, film Gollivudcha ssenariyga qiyosan xalqaro auditoriyaga moslashtirilgan bo‘lsa-da, undagi milliy ohanglar va estetik yondashuv uni o‘ziga xos qilgan.