Avstraliyadagi plyajda 14-dekabr kuni noma’lum shaxslar odamlarga qarata bir necha bor o‘q uzdi. Bu haqda The New York Times xabar berdi.
Hodisa Sidneydagi Bondi plyajida sodir bo‘lgan. Otishma oqibatida kamida 10 kishi jarohat olgan, qurbonlar haqida ma’lumot berilmagan. Politsiya fuqarolardan plyaj hududidan uzoqroq turishni so‘rab ogohlantirish e’lon qilgan.
Otishma yahudiylarning Xanuka bayrami nishonlanayotgan paytda yuz bergan. Mahalliy manbalarga ko‘ra, kamida 50 marta o‘q uzilgan. Hodisa bo‘yicha ikki nafar gumonlanuvchi qo‘lga olingan.
Keyinroq tarqalgan videolardan ma’lum bo‘lishicha, noma’lum erkak ulardan biriga yashirincha yaqinlashib tashlangan va qurolini tortib olishga muvaffaq bo‘lgan. Shunga qaramay, hujum qilgan shaxsning ketishiga qo‘yib bergan. Natijada jinoyatchi sherigining oldiga borib, qasos olish uchun qurol bilan qaytib kelgan.
Amerikalik milliarder Sidneydagi otishmada hujumchilardan birini qurolsizlantirgan erkakka 100 000 dollar xayriya qildi. Pul Pershing Square investitsiya fondi rahbari Bill Ekman tomonidan ajratilgan.
