Prezidentning 2025-yil 3-noyabrdagi “Raqamli prokuratura – 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF–204-son Farmoni qabul qilindi.
Unga koʻra, “E-tergov” axborot tizimi joriy etiladi va uning asosiy vazifalari etib quyidagilar belgilandi, jumladan:
– jinoyat ishi yurituvining barcha bosqichlarini elektron shaklga oʻtkazish;
– sud ekspertizasini onlayn rejimda tayinlash;
– moddiy zararni hisobga olish va undirish jarayonlarini monitoring qilish.
Bundan tashqari, Huquqni muhofaza qilish akademiyasida 2026/2027 oʻquv yilidan har yilgi qabul parametrlari (kvotalari) doirasida kunduzgi taʼlim shaklida oʻqish muddati 4 yilni tashkil etadigan “Kiberhuquq” bakalavriat taʼlim yoʻnalishi joriy etiladi.
Mazkur Farmon va Strategiyadagi vazifalarning amalga oshirilishini taʼminlash uchun Bosh prokuraturaning Axborot-kommunikatsiya texnologiyalarini joriy etish va axborot xavfsizligini taʼminlash boshqarmasi negizida Bosh prokuraturaning Raqamli texnologiyalar markazi tashkil etiladi.
