Shahar meri maktab oʻquvchilarining mobil qurilmalarga qaramligi oshgani sababli cheklov joriy etganini bildirgan.
1-oktabrdan boshlab Yaponiya, Toyoake shahrida aholiga ish yoki maktabdan tashqari kuniga atigi ikki soat mobil telefon, planshet, oʻyin pristavkalari va kompyuterlardan foydalanishga ruxsat berildi.
Shahar meri Masafumi Kuoki maktab oʻquvchilarining mobil qurilmalarga qaramligi oshgani sababli bunday cheklov joriy etilganini bildirgan. Merning maqsadi yoshlar orasida texnologiyaga qaramlikni kamaytirish va sogʻlom turmush tarzini ragʻbatlantirishdir.
Qayd etilishicha, yangi qoida ramziy ahamiyatga ega boʻlib, uni nazorat qilish yoki jarima qoʻllash koʻzda tutilmagan. Shu bilan birga, aholiga texnologiyadan meʼyorida foydalanish va vaqtini samarali tashkil etish tavsiya etiladi.
