AQSH hukumati “grin karta” lotereyasini oʻynash uchun roʻyxatdan oʻtishni pulli qilishni rejalashtirmoqda.
AQSH Davlat departamenti hujjatiga koʻra, endi lotereya oʻynamoqchi boʻlganlar 1 dollar toʻlashlari kerak boʻladi. Yangi tartib joriy mavsumdan kuchga kiradi.
Yangi tartib “shubhali shaxslar tomonidan amalga oshiriladigan asossiz arizalar sonini kamaytirishga” qaratilgan bo‘lib, davlat byudjetiga yiliga qariyb 25 mln dollar daromad keltirishi kutilmoqda.
Joriy mavsum — DV-2027 uchun ro‘yxatdan o‘tish 2025-yil oktyabr–noyabr oylarida bo‘lishi kutilmoqda.
Ma’lumot uchun, Green Card har yili o‘tkaziladi va AQShda doimiy yashash huquqini qo‘lga kiritish imkonini beradi. Millionlab arizachilar orasida faqat taxminan 50 ming kishi g‘olib bo‘ladi.
