Xalq bankining Yangiqo‘rg‘on tumanidagi filialida 9,5 milliard so‘m mablag‘ o‘zlashtirish holati fosh etildi, deya xabar berdi bank matbuot xizmati.

Ma’lumotlarga ko‘ra, xodimlardan biri dasturiy ta’minotga noqonuniy kirib, mablag‘larni o‘zlashtirgan. Qoidabuzarlik bankning ichki korrupsiyaga qarshi bo‘limi tomonidan aniqlanib, huquqni muhofaza qiluvchi organlarga topshirildi.

Tergov ishlari davom etmoqda. Bank barcha aybdorlar Jinoyat kodeksiga muvofiq javobgarlikka tortilishini ma’lum qildi.