1982-yilda tug‘ilgan O‘zbekiston fuqarosi Amonbek Y. Ozarbayjon huquq-tartibot organlari tomonidan qo‘lga olinib, ekstraditsiya qilindi. Bu haqda Ozarbayjon Respublikasi Bosh prokuraturasining Matbuot xizmati xabar berdi, deb yozadi Ajans.az nashri.
Rasmiy ma’lumotga ko‘ra, Amonbek Y. O‘zbekistonda Prezidentning sha’ni va qadr-qimmatini kamsitganlikda ayblanib, davlatlararo qidiruvga berilgan.
U 2025-yilning aprel oyida uning Ozarbayjonda ekanligi aniqlanib, hibsga olingan.
Ekstraditsiya jarayoni “Fuqarolik, oilaviy va jinoyat ishlari bo‘yicha huquqiy yordam hamda huquqiy munosabatlar to‘g‘risida”gi 2002-yil 7-oktabrda imzolangan Konvensiyaga asosan amalga oshirilgan.
U O‘zbekiston Respublikasining vakolatli organlariga Adliya vazirligining Jazoni ijro etish xizmati maxsus kuzatuvi ostida topshirilganligi aytilmoqda.
