Kianu Rivz yana ommaviy axborot vositalari diqqat markazida – uning so‘nggi loyihasi yilning eng kutilayotgan filmlaridan biri bo‘lib bormoqda. Rivz o‘zining eng mashhur obrazi – Neo rolini qayta ijro etishga tayyorlanmoqda. Bu “Matritsa” (The Matrix) franshizasining uzoq tanaffusdan keyingi yangi qismi bo‘ladi. Har qancha boshqa mashhur filmlarda, jumladan “Jon Uik” (John Wick) seriyasida suratga tushgan bo‘lsa ham, Kianu Rivz ommaviy madaniyatda doimiy ravishda Neo obrazi bilan tanilgan.

Avval bu filmning davomi bo‘lmaydi, deb o‘ylangan edi, ammo Lana Vachovski “Matritsa: Qayta tirilish” (The Matrix Resurrections) filmi uchun rejissyorlikka qaytdi. Kianu Rivz va Neil Patrik Xarris kabi aktyorlarning aytishicha, bu safar Vachovski ijodiy erkinlikni birinchi o‘ringa qo‘ygan va aktyorlarga o‘zlari mustaqil ijod qilish imkonini bergan.

Kinoga borib, Matritsa sehrini yana his qilishdan oldin, Rivzning o‘zgarishlari haqida biroz o‘rganib chiqish qiziq bo‘ladi. Buni eng yaxshi tushunish yo‘li – uning san’at va adabiyotga bo‘lgan didi bilan tanishishdir. U musiqada Fugazi va Joy Division guruhlarini yoqtiradi, adabiyotga esa alohida e’tibor bilan yondashadi.

Rivz bir necha bor sevimli kitoblari haqida so‘zlagan. Eng to‘liq ro‘yxat esa Reddit saytida bo‘lib o‘tgan “Menga nima savoling bo‘lsa, so‘ra” (Ask Me Anything) sessiyasida e’lon qilingan. Unda bir muxlis undan eng ko‘p ta’sir qilgan asarlarni so‘ragan, Rivz esa batafsil javob bergan.

Agar siz Yangi yil uchun yaqinlaringizga yaxshi kitob sovg‘a qilmoqchi bo‘lsangiz, quyidagi ro‘yxatdan xato qilmasdan tanlov qilishingiz mumkin.

Kianu Rivzning eng sevimli kitoblari:

🔹 Uzuklar hukmdori (J.R.R. Tolkin)

🔹 Bulut atlasi (Devid Mitchell)

🔹 Graf Monte-Kristo (Aleksandr Dyuma)

🔹 Yuqori yarus (Richard Pauers)

🔹 Ogʻa-ini Karamazovlar (Fyodor Dostoyevskiy)

🔹 Zavol topgan vaqt izidan (Marsel Prust)

🔹 Yer ostidan eslatmalar (Fyodor Dostoyevskiy)

🔹 Jim Tompson asarlari

🔹 Telba (Fyodor Dostoyevskiy)

🔹 A Sport and a Pastime (Jeyms Solter)

🔹 Kosmopolis (Don Delillo)

🔹 Menga faqat muhabbat kerak (Klaus Kinski)

🔹 Filipp K.Dik asarlari

🔹 Molekulyar gastronomiya: Taʼm ilmini tadqiq etish (Erve Tis)

🔹 Say Uncle (Key Rayan)

🔹 The Butcher (Alina Reys)

🔹 Elementar zarralar (Mishel Uelbek)

🔹 Niagara daryosi (Key Rayan)

🔹 Quyon turkumi (Jon Apdayk)

🔹 Uilyam Gibson asarlari

Rivz bu kitoblar haqida so‘zlar ekan, bolaligida eng yaxshi ko‘rgan asari Monte Kristo qiroli bo‘lganini aytadi. Bu kitob unga kitobxonlik zavqini bag‘ishlagan. O‘smirlik chog‘ida esa u hayotiy, falsafiy asarlarga oshno bo‘lib, Fyodor Dostoyevskiyning ijodini o‘rganishni boshlagan.

Keyinchalik u Jim Tompson va Uilyam Gibson kabi mualliflarni o‘qigan, va nihoyat, Marsel Prustning ulkan modernizm asari Yo‘qolgan vaqt izidan ni kashf etgan. Endilikda esa, Rivz o‘z hayotiy haqiqatini Jon Apdaykning Quyon turkumidagi asarlaridan topayotganini tan oladi.