Qoraqalpog‘iston Respublikasining Beruniy tumani hokimining o‘rinbosari Taqiyatov tumanida faoliyat yuritayotgan, qizilmiya ildizlarini qayta ishlovchi kompaniya rahbaridan, Beruniy tumani hududidan 150 gektar yer ajratib berish evaziga 12,000$ olayotganida qo‘lga olindi.
Namangan viloyatining Kosonsoy tumanida, bog‘dorchilikka ixtisoslashgan fermer xo‘jaligi rahbari, xo‘jalikka qarashli 24 gektar yer maydonini mansabdor tanishi orqali xaridor nomiga rasmiylashtirish evaziga 240,000$ talab qilib, oldindan 50,000$ olayotganida ushlangan.
Tezkor tadbir davomida uning mansabdor tanishi — Qishloq xo‘jaligi vazirligi huzuridagi Agrosanoatni rivojlantirish agentligining Kosonsoy tuman loyihalar ofisi bosh mutaxassisi ham yer maydonini rasmiylashtirish uchun 10,000$ olayotganida qo‘lga tushdi.
Andijon viloyatida, Vazirlar Mahkamasi huzuridagi Agrosanoat majmuasi ustidan nazorat qilish inspeksiyasining viloyat boshqarmasi bo‘lim boshlig‘i, Andijon tumanidagi paxta va g‘alla yetishtirishga ixtisoslashgan fermer xo‘jaligi rahbaridan, 6 sotix yerda noqonuniy qurilgan bino va inshootlar bo‘yicha hisob-kitob qilinishi kerak bo‘lgan zararni kamaytirib xulosa berish evaziga 1,000$ olayotganida ushlangan.
Hozirda barcha gumonlanuvchilarga nisbatan jinoyat ishlari qo‘zg‘atilgan va tergov davom etmoqda
