Tesla kompaniyasi o‘zining yangi Oasis Supercharger zaryadlash stansiyasini ishga tushirdi. Ushbu stansiya, elektromobillar uchun mo‘ljallangan kelajakdagi zaryadlash markazi sifatida, quyosh energiyasi va off-grid batareyalar bilan jihozlangan.
Tesla Supercharger tarmog‘ini ishga tushirganidan so‘ng, ular quyosh panellari va batareyalarni stansiyalariga qo‘shishni va’da qilgan edi. Ilon Musk, kompaniyaning CEOsi, ko‘p stansiyalar off-grid (tarmoqdan tashqarida) ishlashiga imkon berishini aytgandi. Garchi Tesla ba’zi stansiyalarda quyosh va batareyalar qo‘shgan bo‘lsa-da, ko‘pchilik stansiyalar o‘zining mustaqil quvvat tizimiga ega emas yoki faqat minimal quyosh panellari bilan jihozlangan edi.
2016-yilda, Musk bu masala haqida gapirganda, u Supercharger V3, Powerpack V2 va SolarCity tizimlari bilan barchasi tayyor bo‘lishini aytgandi. Hozirda bu tizimlar mavjud va Powerpack o‘rniga Megapack tizimi joriy etilgan, shuningdek, Supercharger tarmog‘i V4 stansiyalariga o‘tmoqda.
Biroq, quyosh batareyalarni joriy etish ishlari tezlashmagan edi, hozirda bu jarayon nihoyat boshlanmoqda.
Tesla o’tgan yili yangi loyihani e’lon qilgan edi. “Oasis”- bu yangi model Supercharger stansiyasi, quyosh energiyasi farmasi va batareyalar saqlash tizimi yordamida off-grid ishlashni ta’minlaydi. Loyihaning joylashgan yeri — Lost Hills, Kaliforniya.
Tesla ushbu loyihani taqdim etdi va ko‘plab Supercharger stantsiyalarini ishga tushirdi. Loyihada jami 168 ta zaryadlash stantsiyasi mavjud, shundan yarmi ishlamoqda, bu esa uni dunyodagi eng yirik Supercharger stansiyalaridan biriga aylantiradi.
Eng diqqatga sazovor jihati esa, 11 MW quvvatga ega quyosh panellari va canopylar bilan jihozlangan bu stansiya, 30 akr maydonga yoyilgan. Shuningdek, stansiya 10 ta Tesla Megapack bilan ta’minlangan bo‘lib, umumiy energiya saqlash quvvati 39 MWh ga teng.
Stansiya hozirda off-grid rejimda ishlamoqda, bu esa Tesla tomonidan tasdiqlangan.
Tesla, 84 ta zaryadlash stantsiyasini mustaqil ishga tushirishni rejalashtirgan bo’lib,qolgan stantsiyalar va dam olish joyi yil oxiriga qadar ishga tushiriladi.
