O‘zbekiston 2025-yilning yanvar-aprel oylarida xorijlik sayyohlar uchun jadal ravishda mashhur bo‘lib bormoqda. Milliy statistika qo‘mitasining ma’lumotlariga ko‘ra, 3,1 million nafar chet el fuqarolari O‘zbekistonga tashrif buyurdi. Bu ko‘rsatkich o‘tgan yilning shu davriga nisbatan 46,4 foizga oshganini anglatadi.
O‘zbekiston xalqaro sayyohlar uchun har doim o‘zining boy madaniyati, tarixiy obidalar va tabiiy go‘zalligi bilan jozibali bo‘lgan. Milliy statistika qo‘mitasi, o‘tgan yilning yanvar-aprel oylariga solishtirganda, xorijlik sayyohlarning soni 987,9 ming nafar oshganini qayd etdi.
Ushbu ko‘rsatkich safar maqsadlari kesimida quyidagicha:
- Qarindoshlarni yo‘qlash — 2,1 million nafar
- Sayyohlik — 434,4 ming nafar
- Xizmat yuzasidan — 374,6 ming nafar
- Tijorat — 152,1 ming nafar
- Davolanish — 33,3 ming nafar
- O‘qish — 7,9 ming nafar
