Shopping cart

Sayt xodimlari o‘z oldiga yurtimizda va jahonda ro‘y berayotgan eng muhim voqea-hodisalar haqida tezkor, aniq va xolis axborot berishni o’z oldiga oliy maqsad qilib qo‘ygan.

Jamiyat

Toshkent metropolitenida kassalar yopilmoqda

Nilufar Qobilova 04.07.20251 daqiqa o'qiladi
84

Toshkent metropolitenida naqd pul bilan to‘lovlar hajmi sezilarli darajada kamaydi, shuning uchun 13 ta metro stantsiyasining vestibyulidagi kassalar yopiladi. Bu qaror, yo‘lovchilarning naqd pul o‘rniga elektron to‘lov tizimlaridan foydalanishining o‘sishi sababli qabul qilindi.

Ma’lum qilinishicha, bir martalik chipta (QR-kod bilan) narxi 3000 so‘m bo‘lsa-da, boshqa to‘lov tizimlari orqali chipta sotib olish imkoniyati 1700 so‘mdan boshlanadi, ba’zi hollarda narxlar yanada arzon. Shuningdek, yangi to‘lov usullari, jumladan, ATTO kartalari, bank kartalari, mobil ilovalar, barmoq izlari orqali to‘lov kabi tizimlar joriy etilmoqda.

Agar ilgari 45-50% yo‘lovchilar naqd pul orqali bir martalik chipta sotib olishgan bo‘lsa, hozirda bu ko‘rsatkich 6-7% ga tushgan.

Shu sababli, “Mirzo Ulug‘bek”, “Do‘stlik”, “Paxtakor”, “Hamid Olimjon”, “Pushkin”, “Toshkent”, “Oybek”, “Tinchlik”, “Shahriston”, “Bodomzar”, “Minor” va “Abdulla Qodiriy” kabi stantsiyalarning vestibyullarida kassalar yopildi va avtomatik bankomatlar o‘rnatilmoqda.

Yo‘lovchilar ushbu stantsiyalarda chipta sotib olishning yangi, avtomatlashtirilgan usullaridan foydalanishlari mumkin.

Leave a Reply

Sizning elektron pochta manzilingiz e'lon qilinmaydi. Kerakli maydonlar belgilanadi *