2025-yil 1-iyul kuni Andijon viloyatining Xo‘jaobod tumanida, “Yuksalish” mahallasida ichki ishlar organlari xodimi, hudud profilaktika inspektori katta leytenant Abdurahim Abduvaliev xizmat vazifasini bajarish vaqtida pichoq bilan yaralanib, vafot etgani xabar qilingan edi
Ma’lumotlarga ko’ra, Abduvalievning o‘limi bilan bog‘liq gumonlanuvchi, 2025-yil 4-iyul kuni, Xo‘jaobod tumanidagi “So‘qoloq” qabristonining yaqinida yashirinib yotgan holda topilgan. Dastlabki ma’lumotlarga ko‘ra, gumonlanuvchi Yu. Xolbozorov qo‘lga olinayotganda, o‘ziga pichoq bilan jiddiy jarohat yetkazgan. Hozirda unga birinchi tibbiy yordam ko‘rsatilgan va shifoxonaga olib ketilgan.
O‘zbekiston Respublikasi Jinoyat kodeksining 97-moddasi 2-qismi “g” bandi asosida jinoyat ishi qo‘zg‘atilib, tergov harakatlari davom ettirilmoqda.
