Yaponiyaning janubi-g‘arbidagi Tokara orollari hududida bir yarim hafta davomida 865 dan ortiq zilzila qayd etildi. Bu haqda Kyodo News agentligi xabar berdi.
So‘nggi zilzila chorshanba kuni, mahalliy vaqt bilan soat 04:32 da yuz bergan bo‘lib, uning dastlabki magnitudasi 5,1 bo‘lgan. Zilzila Yaponiyaning Kagosima prefekturasiga qarashli Akuseki orolida, 7 ballik yapon seysmik shkala bo‘yicha 5 balldan past kuch bilan qayd etilgan.
Shu kuni yana bir kuchli yer silkinishi Kodaqara orolida ham kuzatildi, u 4 ballik faollikda bo‘lgan.
Yaponiya Meteorologiya boshqarmasining ma’lum qilishicha, hozircha zilzilalar oqibatida hech qanday vayronagarchilik yoki jabrlanganlar haqida xabar kelmagan.
Tokara orollari Yaponiyaning Yakushima va Amami-Osima orollariga yaqin joylashgan. 21-iyundan beri ushbu hududda kuchli seysmik faollik qayd etilmoqda. Faqatgina chorshanba kuni ertalab soat 9:00 holatiga ko‘ra, 865 ta yer silkinishi (kamida 1 ball kuchga ega) aniqlangan.
Avvalroq xabar qilinishicha, Tokara orollari atrofidagi dengizda 400 dan ortiq yer silkinishi qayd etilgan edi.
