AQSh Xalqaro Savdo sudi prezident Donald Tramp tomonidan joriy etilgan ayrim import bojlarini noqonuniy deb topdi va ularning amal qilishini to‘xtatdi. Bu qaror sobiq prezidentning savdo siyosatiga jiddiy zarba bo‘ldi.

Sud qaroriga ko‘ra, Tramp o‘z vakolatlarini oshirib yuborgan. U 1977-yilda qabul qilingan Xalqaro Favqulodda Iqtisodiy Vakolatlar to‘g‘risidagi qonun (IEEPA) asosida favqulodda holat deb baholab, ayrim mamlakatlarga nisbatan boj tariflarini joriy qilgan edi. Biroq sud buni qonunga zid, deb topdi, chunki prezident bunday keng miqyosli tariflarni mustaqil ravishda kiritish huquqiga ega emas.

Bu qaror kichik bizneslar tomonidan berilgan da’vo asosida chiqarildi. Da’vogarlar bojlar ularning import faoliyatiga salbiy ta’sir qilganini aytishgan.

Sud qarori e’lon qilinganidan so‘ng, AQSh moliya bozorlarida ijobiy o‘zgarish kuzatildi: texnologik kompaniyalar, ayniqsa, Nvidia aksiyalari o‘sdi, AQSh dollari ham kuchaydi.

Tramp maʼmuriyati bu qarorga nisbatan apellyatsiya berishini bildirdi. Ularning fikricha, tariflar mamlakat xavfsizligini ta’minlash uchun zarur edi.
Sud qarori Kongress vakolatlarini yana bir bor tasdiqlab, prezidentning xalqaro savdoni boshqarishdagi imkoniyatlarini cheklab qo‘ydi.

Bu esa AQShning kelgusi savdo siyosatiga qanday ta’sir ko‘rsatishi hozircha nomaʼlum.