Germaniya Ikkinchi jahon urushidan beri ilk bor xorijda doimiy harbiy bazasini ochdi. Litvada joylashgan ushbu baza Rossiya bilan keskinlik kuchayib borayotgan bir paytda NATOning sharqiy mudofaasini mustahkamlashga qaratilgan.
Yangi baza — 45-Panzer brigadasi — Litvaning Rudninkai va Rukla hududlarida joylashgan. Taxminan 4,800 harbiy xizmatchi va 200 nafar fuqarolik xodimidan iborat bo‘lishi rejalashtirilgan. Brigada 2027-yilgacha to‘liq jangovar tayyorgarlikka ega bo‘lishi kutilmoqda.
Harbiy qismlar Leopard 2A7 tanklari va Puma zirhli texnikasi bilan ta’minlanadi. 2026-yil fevraldan boshlab NATOning Litvadagi ko‘p millatli kuchlari ham bu brigadaga qo‘shiladi.
Germaniya kansleri Fridrix Mers bu qadamni “Rossiyaning tahdidlariga qat’iy javob” deb atadi. Litva prezidenti Gitanas Nauseda esa brigadani NATOning birligini mustahkamlovchi muhim qadam, deb baholadi.
Harbiy tahlilchilarga ko‘ra, bu baza NATOning Rossiya bilan chegaradosh hududlardagi mavjudligini yanada kuchaytiradi va ittifoqning kollektiv xavfsizligini mustahkamlaydi.
