Korrupsiyaga qarshi kurashish agentligi 2024-yilning yanvar-aprel oylarida O‘zbekiston bo‘ylab 21 milliard so‘mlik 18 ta davlat xaridida qonunchilik buzilganini aniqladi.

Tekshiruv natijasida aniqlangan qonunbuzarliklar tufayli ayrim yirik shartnomalar bekor qilindi, hujjatlar esa huquqni muhofaza qiluvchi organlarga yuborildi.

Agentlik ma’lumotlariga ko‘ra, quyidagi tashkilotlar tomonidan o‘tkazilgan xarid jarayonlarida “Davlat xaridlari to‘g‘risida”gi qonun talablariga zid harakatlar sodir etilgan:

— Toshkent viloyati hokimligi huzuridagi Toshkent viloyatida biznes markazlarini qurish direksiyasi — 2,2 mlrd so‘mlik shartnomada qonunbuzilish holati aniqlangan.

— “Tadbirkorlikni rivojlantirish kompaniyasi” AJ — 313 mln so‘mlik xaridda qonun talablariga zid harakatlar.

— Beshariq tumani tibbiyot birlashmasi — 300 mln so‘mlik shartnoma qonunlarga mos kelmagan.

— Dehqonobod tumani hokimligi — 189 mln so‘mlik xaridda huquqbuzarlik sodir etilgan.

— Ellikqalʼa tumani maktabgacha va maktab taʼlimi bo‘limi — 95 mln so‘mlik shartnoma qonunga zid tarzda o‘tkazilgan.

— Raqamli texnologiyalar vazirligi huzuridagi Raqamli hukumat loyihalarini boshqarish markazi — 56 mln so‘mlik xaridda affillangan shaxslar ishtirokiga noqonuniy imkon yaratilgan.

Bundan tashqari, quyidagi tashkilotlar tomonidan amalga oshirilgan xaridlar ham qonun talablari buzilgan holda o‘tkazilgan:

— “Dehqonobod kaliy zavodi” AJ — 10,8 mlrd so‘mlik davlat xaridida qonunbuzarlik aniqlangan.

— Nurafshon shahar tibbiyot birlashmasi — 1,9 mlrd so‘mlik xarid qonunchilikka zid tarzda amalga oshirilgan.

— G‘uzor tumani obodonlashtirish boshqarmasi — 1,9 mlrd so‘mlik xarid jarayonida qonunbuzilish holati qayd etilgan.

— Dehqonobod tumani obodonlashtirish boshqarmasi — 1,1 mlrd so‘mlik xarid qonunga zid ravishda o‘tkazilgan.

— Tabiiy va aniq fanlarga ixtisoslashtirilgan S.H. Sirojiddinov nomli akademik litsey — 573 mln so‘mlik xaridda qonuniy talablar buzilgan.

— Termiz Olimpiya va paralimpiya sport turlariga tayyorlash markazi — 572 mln so‘mlik xarid qonunga zid bo‘lgan.

— Amu-Surxon irrigatsiya tizimlari havza boshqarmasi huzuridagi Nasos stansiyalari va energetika boshqarmasi — 520 mln so‘mlik xaridda qonunbuzilish aniqlangan.

— Sirdaryo viloyati hududiy qurilish va uy-joy kommunal xo‘jaligi sohasida nazorat qilish inspeksiyasi — 83 mln so‘mlik xarid qonunga xilof ravishda amalga oshirilgan.

— Yangiobod tumani tibbiyot birlashmasi — 45 mln so‘mlik xarid qonunchilikka zid tarzda o‘tkazilgan.

— Mo‘ynoq tumani hokimligi — 40 mln so‘mlik davlat xaridida baholash jarayoni qonunbuzarlik bilan o‘tgan.

Agentlik ushbu holatlar bo‘yicha xarid komissiyalarining g‘oliblarni aniqlash haqidagi qarorlarini bekor qildi.

Noqonuniy xaridlarning oldi olinib, qonuniy chora ko‘rish uchun tegishli hujjatlar huquqni muhofaza qiluvchi idoralarga topshirildi.