Xitoy, Avstraliya va Italiya olimlaridan iborat xalqaro guruh Marsda ulkan yer osti suv qatlami mavjudligiga dalil topdi. U Mars sathidan 5-8 km chuqurlikda joylashgan. Tadqiqot National Science Review (NSR) ilmiy jurnalida chop etildi.

Milliardlab yillar oldin Mars daryolar va koʻllar bilan qoplangan edi. Seysmik toʻlqinlarning tahlili Sayyora qobigʻida anomal qatlamni aniqladi, bu yerda tebranishlar sekinroq tarqaladi — suyuqlik bilan toʻyingan gʻovakli jinsning oʻziga xos xususiyati.

«Bu ulkan Mars suvli qatlamiga oʻxshaydi. Undagi suv hajmi 500-800 metr chuqurlikdagi okean bilan qiyoslanadi va butun sayyorani qamrab oladi«, — deya tushuntirdi tadqiqot mualliflari.

Bu kashfiyot NASAning InSight seysmik missiyasi maʼlumotlari tufayli amalga oshirildi, unda 2021-yilda meteorit qulashi va 2022-yilda kuchli Mars silkinishlari qayd etilgan.

InSight seysmometri bu hodisalardan toʻlqinlar Mars qobigʻining turli qatlamlaridan qanday oʻtganini qayd etib, olimlarga yashirin suv qatlamini «koʻrish« imkonini berdi.

Topilgan suv omborida qadimgi Mars hayotining izlari boʻlishi mumkin va kelajakdagi kolonistlar uchun muhim manba boʻlishi mumkin.