Bosh prokuratura bergan ma’lumotlarga ko’ra, 8 ta viloyatda (Toshkent shahri, Surxondaryo, Samarqand, Sirdaryo, Namangan, Navoiy, Andijon va Qashqadaryo) 1 200 nafardan ortiq fuqarolarga soxta haydovchilik guvohnomalari rasmiylashtirib berilganligi aniqlangan.
Haydovchilik guvohnomalari soxtalashtirilganligi holati yuzasidan Davlat xizmatlari markazi xodimlari va boshqalarga nisbatan tegishli moddalar bilan qo‘zg‘atilgan jinoyat ishi bo‘yicha tergov harakatlari olib borilmoqda.
Soxta guvohnomalarni olgan fuqarolarning 455 nafari 1 305 marta yo‘l harakati qoidalarini buzgan, 9 nafari yo‘l-transport hodisasi sodir etgani oqibatida, 6 nafar fuqaro tan jarohati olgan va 3 nafari vafot etgan.
Hozirda soxta guvohnomalar va ularni rasmiylashtirishga asos bo‘lgan barcha hujjatlar to‘liq tekshirilayotgani, tergov harakatlari rejalashtirilgan tartibda davom etaytogani ma’lum qilindi.
