Bugun Toshkent shahrida kuchli shamol esmoqda. Ob-havo sharoitining yomonlashuvi simlarning uzilishi, daraxtlarning qulashiga va havoda chang miqdorining oshishiga olib kelishi mumkin.

Rasmiylar fuqarolardan quyidagi ehtiyot choralariga amal qilishni so‘ramoqda:

– Avtomobillarni daraxtlar yoki elektr uzatish liniyalari ostida qoldirmang.
– Changga yoki allergiyaga sezgir bo‘lsangiz, ko‘chada yurishni imkon qadar cheklang.
– Shaharda harakatlanayotganda ehtiyotkorlikni oshiring.
– O‘zingizni, yaqinlaringizni va mulkingizni asrang.

Favqulodda holatlar yuzaga kelganda quyidagi raqamlarga murojaat qilishingiz mumkin:
1050, 1055, (71) 212-69-80, (71) 212-69-82