Andijon, Qashqadaryo, Namangan va Toshkentda bir nechta shaxslar fuqarolarni aldab, ularni Haj ziyoratiga yuborishni va’da qilib, katta miqdorda pul olayotgan vaqtlarida qo‘lga olindi. Hozirda barcha holatlar bo‘yicha jinoyat ishlari qo‘zg‘atilib, tergov harakatlari olib borilmoqda.

Huquqni muhofaza qiluvchi organlar quyidagi holatlar bo‘yicha ma’lumot berdi:

• Andijon — oldin sudlangan shaxs 10 nafar fuqarodan jami 50 ming AQSh dollari olgan;

• Qarshi — fuqaro 14 ming dollar olayotgan vaqtda ushlangan;

• Namangan — turfirma menejeri 10 ming dollar olayotganida qo‘lga tushgan;

• Toshkent — turfirma hodimi 9 ming dollar bilan ushlangan.

Rasmiylarga ko‘ra, ushbu holatlar yuzasidan tergov harakatlari davom etmoqda. Fuqarolarga diniy ziyorat safarlarini faqat rasmiy tartibda va litsenziyaga ega tashkilotlar orqali amalga oshirish tavsiya etilmoqda.