Fransiyada 74 yoshli sobiq jarroh Joel Le Skuarnek 299 nafar bolaga nisbatan zo‘rlash jinoyati sodir etganlikda aybdor deb topilib, 20 yilga ozodlikdan mahrum etildi. 

Le Skuarnek 1989-yildan 2014-yilgacha bo‘lgan davrda 158 nafar o‘g‘il va 141 nafar qizga nisbatan jinoyat sodir etgan. Jabrlanganlarning o‘rtacha yoshi 11 yosh bo‘lgan. Ko‘pchilik jabrlanuvchilar bemorxona xonalarida yolg‘iz bo‘lgan paytda shifokor tomonidan zo‘rlangan. Ba’zi bolalar esa o‘sha paytda hushsiz bo‘lib, voqeani eslay olmagan.

Sud jarayoni 2025-yil boshida boshlangan va ayblanuvchi barcha ayblar bo‘yicha o‘zini aybdor deb tan olgan.

Le Skuarnek sudda: “Bu jinoyatlar uchun javobgarlikni o‘z zimmamga olaman. O‘tmishni o‘zgartirib bo‘lmaydi, ammo jabrlanganlar va ularning oilalari oldida kechirim so‘rayman,” deb ta’kidladi.

U 2020-yildan buyon to‘rt nafar bolani, jumladan ikki nafar jiyanini zo‘rlagani uchun 15 yil qamoq jazosini o‘tayotgan edi. Yangi hukm bilan esa umumiy jazosi 20 yilga yetkazildi.

Bu ish Fransiya tarixidagi eng yirik pedofiliya ishlaridan biri bo‘lib, jabrlanuvchilardan biri Fransiya qonunlarini kuchaytirish zarurligini ta’kidladi.

Fransiyada pedofiliya uchun maksimal jazo 20 yil qamoqdir. 2021-yilda qabul qilingan qonunga ko‘ra, 15 yoshga to‘lmagan bolalar bilan jinsiy aloqa avtomatik ravishda zo‘rlash deb hisoblanadi.