Hamyurtimiz Eldor Shomurodov ilk daqiqalardan maydonga tushgan “Torino” — “Roma” bahsi rimliklarning  2:0 hisobidagi gʻalabasi bilan yakuniga yetdi.

Italiya A seriyasining 38-turidan oʻrin olgan uchrashuvda hujumchimiz 72 daqiqa harakatlandi va uning oʻyini “Sofascore” portali tomonidan 6,7 ballga baholandi.

Ushbu bahs natijasiga koʻra, “Roma” chempionatni 5-oʻrinda yakunladi va keyingi mavsumda Yevropa Ligasida ishtirok etadi.

Taʼkidlash lozim, 29 yoshli futbolchi ushbu bahsdan keyin Jahon chempionati saralash bahslarida BAA va Qatarga qarshi oʻyinlarda ishtirok etish uchun milliy jamoamiz ixtiyoriga kelib qoʻshiladi.