Prezident, yo‘l harakati madaniyatini oshirish va ashaddiy huquqbuzarlarga qarshi kurashish maqsadida yangi tizim joriy etilishini e’lon qildi. Buning uchun “Surunkali qoidabuzarlar” dasturi ishga tushiriladi.
Agar haydovchi bir oy ichida 2 marta qarama-qarshi harakatlanish, qizil chiroqda o‘tish yoki tezlikni 5 marta oshirish kabi huquqbuzarliklarni sodir etsa, u 1 yilgacha jarimadan chegirma berilmaydi.
Agar bunday huquqbuzarliklar 10 tadan ortiq bo‘lsa, haydovchilik guvohnomasi 6 oygacha olinadi.
Shuningdek, tezlik uchun jarimalar qayta ko‘rib chiqilib, me’yoridan 2-3 karra tez harakat qilganlarni haydovchilik huquqidan mahrum qilish bo‘yicha qonunchilikka o‘zgartirish kiritilishi rejalashtirilgan.
